這個年頭有份工已經好好彩,若果一個唔好彩,被人踢咗出場,千萬不要覺得自己無料到,而是第一時間到相熟的 headhunter 舖頭看看有什麼以前唔多順眼,現在見到是寶的 position。
就算你現在有工在手,也要提高警覺,兼將自己 always keep open。 一有機會,立刻行動,ie send CV,好等自己 no regret。幾時都係嗰句「有得揀,好過沒得揀」。
當你有幸,被人抽中有得 in,千祈不要掉以輕心,以下是集蘇菲各方好友的一些見工貼士,本來是自己的 best keep secret,現在環境不好,就拿出來和大家分享一下。因近日聽過一個道理:施比受更為有福。
第一步,請叫你位 headhunter 用盡任何方法去打聽 in 你嗰個是男還是女,職位、年資、年齡、性格等最基本的資料。最好能夠訪問 interviewer 以前下屬關於他/她的為人。mean 唔 mean,契唔契弟等。因為「知己知彼,百戰百勝」。
若果你將要見嗰位是鬼佬,不論你是男是女,都請 headhunter 將地點改在 coffee shop。因老外在 office 以外,特別是 coffee shop 同 bar 一般都比較 relax。那你就可以問多一點,了解多一點。
衣着方面,雖然大部分都會教你穿 navy blue or black suits,着到十足十一個識字的 waiter 咁,這就太千篇一律,令個 interviewer 印象不夠深刻。個人覺得,如你是女人的話,裏面不妨襯一件 floral print 的 blouse,謹記下身一定是 pencil skirt,堅強硬朗得來添多幾分嫵媚,一定加分。如鬼佬 in 你的話,deep V 又何妨?! 要令佢覺得 cosmopolitan 同 international 呀嗎!但如果是一個女人 in 你的話,不論中外,waiter 式打扮包無閃失。記着,目標為本!
表現方面,若果你以為最叻、最醒的一面會幫你攞到分的話,你就錯哂。因 in 你嗰個係要請下屬,唔係請老闆係佢上面,所以唔需要令人覺得太 flashy。大部分過到關的都是那些優質中庸之輩。
問問題,這個一定要。但要問那些 open-ended 的,等佢講多一點,自己了解多一點。最好能做到打蛇隨棍上,再問深些、濶些,以 show 自己有 substance,有內涵。
最後,記得 send 一個 thank you note。尊重人,尊重自己嘛!
以上所講的純為小貼士,大家可供參考或得啖笑。年薪一球以上者不適用!
而年薪一球以上的,容後再談。
《轉載自信報財經新聞》
沒有留言:
發佈留言